கனடாவில் வேலை இழப்புகள் குறித்து மக்கள் மத்தியில் பெரும் பதற்றம் ஏற்பட்டுள்ளதாக ஒரு சமீபத்திய கருத்துக்கணிப்பு வெளிப்படுத்தியுள்ளது. அமெரிக்காவுடன் நடைபெறும் வர்த்தக போரின் காரணமாக வேலை வாய்ப்புகள் குறைவதற்கான அச்சம் அதிகரித்துள்ளதாக 40% கனடியர்கள் தெரிவித்துள்ளனர். இதனால், பல தொழில் நிறுவனங்கள் பணியாளர்களை குறைக்கும் நடவடிக்கைகளை மேற்கொண்டு வருகின்றன.
மார்ச் 7 முதல் 10 வரை நடத்தப்பட்ட லெஜர் கருத்துக்கணிப்பில், 1,500க்கும் மேற்பட்ட கனடியர்கள் கருத்து தெரிவித்துள்ளனர். இதில், ஒண்டாரியோ மாநிலத்தில் 50%-க்கு மேற்பட்ட பணியாளர்கள் வேலை பாதுகாப்பு குறித்த கவலையை வெளிப்படுத்தியுள்ளனர்.
வேலை இழப்புக்கான அச்சம் பெண்களை விட ஆண்களில் அதிகளவில் காணப்படுவதாக தெரிவிக்கப்பட்டுள்ளது. அனைத்து தரப்பினரிலும் வேலை பற்றிய கவலை இருந்ததால், கனடாவின் பொருளாதாரம் நெருக்கடியை எதிர்கொண்டு வருவதாக ஆய்வாளர்கள் தெரிவித்துள்ளனர்.
